A Escola de Cantareiras é a de máis recente creación. Bota a andar no ano 1996 grazas a Julia López Parga, profesora da Escola de Danza e con gran afeción tamén por este tipo de canto tradicional.

Fixeron a súa primeira actuación en público no pobo ese mesmo ano sendo moi ben acollidas.

Forman esta escola un grupo de vinte rapazas que interpretan cantigas recollidas no pobo. Realizan o acompañamento das cantigas con diversos instrumentos de percusión: pandereitas, pandeiros, latas de pimentón, botellas e nalguha ocasión tamén con algunha gaita. Visten o traxe de faena da Montaña Luguesa.

Participan en Festivais xunto coa escola de Danza, e actuaron no Hotel Méndez Núñez, na inauguración da exposición da pintora Dolores Guerrero.